Poll Results Stories U-Report အေၾကာင္း Engagement U-Talk Videos Join Now
STORY
Childhood Memories - 4

လေယာဉ်တွေမြင်ရင် လက်တို့ပြီး " ဟိုးမှာ လေယာဉ်ပျံကြီး" လို့ပြောတတ်တဲ့ ကလေးလေးတစ်ယောက်ကို လွန်ခဲ့တဲ့ ၁၁နှစ်တုန်းကတွေ့ဖူးတယ်။ အဲ့ဒီ ကလေးလေးရဲ့အိပ်မက်တွေက သိပ်ကိုကြီးတာ။ ငယ်ငယ်တည်းက စက္ကူလေယာဉ်ပျံတွေကို မက်မက်မောမော ခေါက်ခဲ့တဲ့ သူခမျာ ကိုယ်ကြိုက်တဲ့ ဝတ်စုံနဲ့ ဓာတ်ပုံရိုက်လို့ရတဲ့ ဆိုင်လေးကို ပွဲဈေးတန်းမှာ တွေ့တာနဲ့ သူ့ရဲ့အမေကို " မေမေ တားတား ဓာတ်ပုံရိုက်ချင်တယ်။ တားတား မုန့်မုန့်ချားဘူး။ နော် မေမေနော် " လို့ အတင်းပူဆာပြီးဆိုင်ထဲအတင်းခေါ်တာပါပဲ။ ဆိုင်ထဲရောက်တော့ သူ့အမေက စစ်သားဝတ်စုံ၊ အင်ဂျင်နီယာဝတ်စုံ ၊ ဆရာဝန်ဝတ်စုံတွေရွေးပေးတယ်။
ဒါပေမဲ့လည်း သူကတော့ လေယာဉ်မှူးကို မရမကသွားရှာတယ်။ ပြီးတော့ " မေမေ တားတား ဒါနဲ့ပဲရိုက်ချင်တယ်။" ဆိုပြီး ချက်ချင်းဝတ်လိုက်တယ်။ ဓာတ်ပုံနောက်ခံရှုခင်းကြီးကတော့ စင်ကာပူလေကြောင်းလိုင်းကပုံပေါ့။ ၁၅မိနစ် လောက်လည်းကြာပြီး ဓာတ်ပုံလည်းရလာတော့ သူက "မေမေ တားတား ကြီးလာရင် လေယာဉ်မှူးကြီးဖြစ်ချင်တယ်"တဲ့။ အမေကတော့ "ကြိုးစားပေါ့ သားလေးရဲ့။ ကြိုးစားရင် ဘာမဆိုဖြစ်နိုင်တယ် သားသား" လို့ပြောပြီး ကျသင့်ငွေရှင်းရင်းနဲ့ ဆိုင်ထဲကနေ ထွက်လာခဲ့ပါတယ်။ လေယာဉ်မှူးဖြစ်ဖို့ ထင်သလောက် မလွယ်တာကို မသိသေးတဲ့ ကလေးလေးကို ကြိုးစားမှုတွေကို မလျော့ချလိုက်ပဲနဲ့ ရောက်ချင်တဲ့ အိပ်မက်ပန်းတိုင်ဆီ အရောက်သွားနိုင်ပါစေ လို့ အားပေးဆုတောင်းစကားတွေကို အစ်ကိုပြောချင်ပါတယ်။

ခန့်ဇေယျာပိုင်
U-Reporter

See by the numbers how we are engaging youth voices for positive social change.
EXPLORE ENGAGEMENT